AXOBER Asociación de Xóvenes Empresarios de Bergantiños

Actualmente No tiene El Plug-in ADOBE FLASH PLAYER
necesario para poder visualizar correctamente esta web:

Pulse en el enlace inferior para descargarlo

obtener FLASH PLAYER


Contedor correspondente a un visor de fotos flash que mostra os logotipos das empresas acollidas a AXOBER

Novas


  • Abertal - Empresasdacosta.com
  • LIMPEZA DENTAL GRATIS
  •  DESCONTOS EN FORMACIÓN A SOCIOS DE AXOBER
  • 30% DESCONTOS EN ARTIGOS DE PEL
Ver todas as ofertas

CURSOS DE ROBÓTICA


01-08-2018
Axober

Axober, organiza os seguinte cursos de formación:


-CURSO DE ROBÓTICA

* Número de grupos: 2

* Alumnos por grupo: 8

* Datas de realización:
1, 2, 3, 4, 5, 6, 7, 8, 9 E 10 de outubro de 2018

* Horario:
1º grupo de 09:00 a 13:00 horas
2º grupo de 16:00 a 20:00 horas

Estos cursos están subvencionados pola Xunta de Galicia e cofinanciados polo Fondo Social Europeo.



PROGRAMAS FORMATIVOS PARA TRABALLADORES INDUSTRIA 4.0



PLAN ESTRATÉXICO E PLAN DIRECTOR DA INSPECCIÓN DE TRABALLO E SEGURIDADE SOCIAL 2018-2020


21-00-0018
Xoranda informativa
Co obxectivo de manter informados os seus asesores e mutualistas, MC MUTUAL, en colaboración con Axober, organiza esta xornada divulgativa na que se analizará o novo Plan Estratéxico da Inspección de Traballo e Seguridade Social para o período 2018-2020, aprobado o pasado mes de abril, e o Plan Director por un Traballo Digno, que se pactou no mes de xullo.

DÍA DE CELEBRACIÓN: 4 de outubro de 2018

HORARIO: de 17:00 a 19:00 horas

LUGAR: Fórum Carballo

BEBIDAS E BODEGAS CARBALLO


19-09-2018
Empresas con historia


BODEGAS CARBALLO, TRES XERACIÓNS CON D.O.


O feito de que Carballo contase cun dos fielatos ou impostos máis baixos da provincia na primeira metade do século pasado fixo posible que moitas empresas e negocios da época elixiran o noso concello para botar raíces, contribuíndo a xerar riqueza e emprego no municipio ata convertela nun dos piares comerciais da contorna. Moitos deses proxectos aínda seguen en pé hoxe en día grazas á aposta empresarial dos seus fundadores e a un legado que souberon transmitir de pais/nais e fillos/as. Este é o caso de Bodegas Carballo, protagonista da nova entrega de Empresas con historia e dun dos socios máis antigos cos que temos a honra de contar en Axober, que xa vai pola terceira xeración.

Din que os comezos nunca son doados pero en plena década dos 50 aínda o eran menos. Unha industria emerxente, as minas de volframio, os Baños Vellos e uns aranceis bastantes accesibles para a época foron determinantes para que o matrimonio formado por José Fernández Sánchez (Betanzos) e Carmen Casal Babío (Carral) decidira trasladarse a Carballo no ano 1954 para iniciar unha nova vida á fronte dunha pequena taberna que abriron na rúa Vázquez de Parga, 68 baixo o nome de O Bodegón, como non podía ser doutro xeito xa que o seu fundador era vendedor de bodega en Betanzos, actividade que continuou exercendo na nosa localidade xunto co despacho da taberna. Mentres, a súa dona encargábase de dar o xantar aos xornaleiros das fábricas que cada día acudían a degustar exquisitos menús, compostos de primeiro e segundo prato, sobremesa, bebida, café e pan, polo módico prezo de 10 pesetas. Os que non podían permitirse ese luxo tamén eran ben recibidos. Levaban a comida da casa e mercaban o viño e o café no bar. A especialidade da casa era o cocido, a fabada e os callos que Carmen elaboraba con mimo e tempo, ademais dalgún que outro segredo que, como é normal, gardábase para ela.

I Campionato de ra

Nos anos 60 non había móbiles, nin tabletas, nin conexión a internet. Por haber, non había case nin xoguetes. Pero a diversión e o entretemento estaban aseguradas. De feito, sen saber moi ben como nin por que, no Bodegón era raro o día no que veciños e clientes non se animaran a botar unha partida ao popular xogo da ra. A afección era tan numerosa que de seguido se creou unha sociedade e se organizou o I Campionato de ra de Carballo. E como trofeo, unha copa de barro de Buño.

Na bodega situada na parte de atrás da casa, onde vivían xunto aos seus dous fillos, amoreábanse os barrís de viño tinto, branco e rosado, as tres variedades que non podían faltar en ningunha mesa, e que, como todo naquela época, vendíase a granel. Pouco a pouco o almacén foi incrementando a súa actividade, a súa clientela e os seus traballadores, incorporándose, sendo aínda un mozo, o seu fillo pequeno Juan José Fernández Casal, a segunda xeración dunha familia de bodegueiros.

En 1973 trasládanse ao almacén da rúa Alfredo Brañas e a empresa comeza a especializarse na distribución de bebidas á hostalería, que na actualidade ocupa o 90% do seu volume de negocio e unha área de reparto que se estende polas comarcas de Bergantiños, Soneira e Ordes. Desde entón, a empresa non deixou de medrar. En 1992 ampliouse coa adquisición dunha nave no Polígono Industrial de Bértoa e a incorporación de novos traballadores, incluído un dos netos do fundador, Juan Carlos Fernández, hai máis de quince anos. A súa é xa a terceira xeración dedicada ao negocio familiar.

Na actualidade, unha ampla carta de viños selectos e con Denominación de Orixe (D.O), bebidas de alta gradación (licores, xenebras), cervexas nacionais e de importación e unha gran variedade de selectos produtos como chocolates, aceites, batidos, mel, zumes e refrescos satisfai os gustos e as necesidades dunha clientela, cada vez máis esixente e heteroxénea, que segue apostando pola calidade e a confianza que outorga ser unha das bodegas con máis historia do noso concello.



ZAPATILLERÍA SUSA


11-09-2018
Empresas con historia




ZAPATILLERÍA SUSA, 60 ANOS REINVENTANDO O NEGOCIO FAMILIAR


Desde as súas orixes, este establecemento situado na rúa Sol foi taberna, cordelería, zapatillería e agora tamén tenda de encaixes.

Cando a protagonista da nosa segunda entrega de “Empresas con historia” abriu por primeira vez as súas portas ao público hai xa 60 anos, a realidade era ben distinta, tanto dentro coma fóra do establecemento. Estradas empedradas sen apenas coches circulando por elas, nenos e nenas xogando na rúa e unha sociedade de autoconsumo na que todo se vendía a granel. O paso do tempo fixo que todo mudara agás a súa esencia, que aínda conserva intacta nada máis entrar neste negocio familiar situado na rúa Sol, número 3.

A mediados do século pasado, Susa Lema e o seu marido trasladáronse de Muxía a Carballo-tras varios intentos frustrados de emigrar a Sudamérica- para tomar as rendas dunha tenda coñecida como "taberna nueva", un ultramarinos da época no que tanto se podía tomar un viño como almorzar ou mercar produtos de todo tipo: bacallau, aceite, arroz e azucre “ao peso”, que medían coa vella balanza que aínda conservan, doces, aspirinas e algunhas das bebidas máis consumidas por aquel entón como coñac, anís, xerez e, sobre todo, augardente e viño. Pero, entre o máis curioso destaca a venda de petróleo para alimentar as lámpadas de finais dos anos cincuenta cando aínda non había electricidade nos fogares. Por aquel entón, o negocio era tamén unha cordelería na que se vendían cordas de esparto, de cáñamo e de plástico, que Susa e o seu marido se encargaban de preparar a conciencia para os clientes segundo o uso que lles quixeran dar: labores agrícolas, atar o gando, facerlle lazos ás ovellas... De esa época, a tenda aínda conserva no letreiro da fachada o nome de “zapatillería e cordelería” porque como ben recorda a fundadora do negocio “tiñamos máis quilos de corda na nosa casa que en todo Carballo”.

Reinventarse ou desaparecer?

Pouco a pouco, a sociedade foise modernizando e as familias deixaron de vivir só do que cultivaban. Chegou a abundancia e tamén o consumismo. As tendas-taberna nas que se podía mercar de todo comezaron a desaparecer coa chegada dos supermercados, cos que os pequenos comerciantes locais non podían competir nin en cantidade nin en prezo. Pero, lonxe de desaparecer, o negocio de Susa reinventouse para subsistir especializándose na venda de calzado de traballo, modelos cómodos para a vida diaria e zapatillas de uso doméstico que, iso si, eran só para as mulleres porque para os homes era unha vergoña usar ese tipo de calzado. Ao principio, só se vendían “pantuflas” de pano en cor escuro e con ondulacións na parte dianteira para a xente maior e as mozas casadas. Á súa tenda chegaron despois os primeiros modelos de “fantasía” que houbo en Carballo, con cores e estilos para todos os gustos así como unha ampla variedade de complementos que aínda se poden atopar nos seus estantes.

Dende hai unha década, a súa filla Chus encárgase do negocio familiar ao que volven, unha vez máis, aires renovados e o espírito emprendedor que, sen dúbida, herdou dos seus pais para continuar dando vida a un dos establecementos máis antigos de Carballo. Gran experta e coñecedora do encaixe de bolillos, a actual propietaria leva xa anos ofrecendo aos clientes unha ampla variedade de materiais e confección de artigos de encaixe elaborados con mimo e calidade, entre os que podemos atopar desde fermosos abanos para todo tipo de eventos e circunstancias ata puntillas para a roupa do fogar, decoración ou prendas de vestir así como accesorios e téxtil para bebés, moi demandados para ocasións especiais. Ademais, a súa extensa formación e habilidade no arte de “palillar” permítelle sumar, como antano, unha nova actividade ao negocio familiar que, neste caso, pasa por ofrecer unha ensinanza profesional e personalizada tanto a particulares como a grupos reducidos.

Grazas a súa capacidade de reconversión e a súa visión empresarial, a esta antiga zapatillería da rúa Sol aínda lle quedan moitas páxinas por escribir na historia do noso comercio local xunto á súa nova especialidade: a tenda de Encaixes Chus, dúas empresas que temos a honra de ter entre os nosos socios. Parabéns!


GRUPO CALVO


07-09-2018
Empresas con historia

CALVO, 78 ANOS DANDO A LATA



A historia do primeiro protagonista da nosa serie de “Empresas con historia” é a dunha marca unida a unha familia, ou ao revés, porque despois dunha traxectoria de case oito décadas xa non se entende unha sen a outra. Principal motor da economía local durante anos e sustento para milleiros de familias carballesas e da contorna, converteuse, co paso dos anos, en líder indiscutible do mercado e un referente entre as primeiras marcas de alimentación. A súa é, sen dúbida, unha empresa con nome propio que soubo facer do seu apelido un sinal de identidade e calidade dentro e fóra das nosas fronteiras: o de Calvo, claro.

A familia Calvo aséntase en Carballo a finais do século XIX tras o seu paso por Cuba e sen esquecer as súas orixes maragatas. No ano 1940, nunha pequena tenda de ultramarinos da nosa localidade, Luís Calvo Sanz- fundador do actual grupo- decidiu dar un paso á fronte e apostar polo progreso e a innovación para garantir o futuro dun negocio de tradición familiar. Así empezou a fraguarse un proxecto que se convertería nun símbolo de calidade e tradición dentro da industria conserveira do noso país e un modo de vida para centos e centos de carballeses e carballesas.

Datas e cifras

Pero na historia da empresa hai máis datas relevantes. Unha delas, en 1952, cando a familia asiste en Vigo á demostración dunha máquina francesa de empacado mediante moldes, que lles serviu de inspiración para construír a súa propia. A outra foi en 1956 co deseño dun revolucionario aparello capaz de xerar 36 latas de atún por minuto, que cambiaría para sempre a industria conserveira española. Na década dos 60 e os 70, a compañía seguiu tomando a dianteira introducindo no mercado novidades tan pioneiras como a variedade Yellowfin (atún claro), que na actualidade equivale ao 75% das latas que se consumen no noso país, e o lanzamento en Europa do primeiro pack de tres latas de atún en formato redondo. Os resultados non se fixeron esperar e a súa inmediata expansión marcou o inicio dunha flota que non deixou de medrar ata chegar aos 7 buques atuneiros, 2 mercantes e 2 buques de asistencia cos que conta na actualidade.

Ademais de datas claves, a historia do Grupo Calvo está repleta de traballo, constancia, esforzo e sacrificio aos que lle hai que sumar grandes éxitos e outros tantos acertos tan determinantes como a súa incursión publicitaria en televisión no 1979 durante o intermedio do mítico programa “Un, dos, tres…” . Tan só tres palabras “atún, Calvo, claro” dispararían a popularidade da compañía de tal xeito que as súas vendas incrementáronse nun 40% ata converterse na marca de conservas de atún preferida polos consumidores. Se os noventa marcaron a súa expansión mundial ata convertela nunha multinacional, o século XIX chegou repleto de novos retos que a catapultaron á fama con anuncios tan populares como o famoso “Piltrafilla” ou o “sacatunn”. A excelencia da súa materia prima, a experiencia e a adaptación ás novas necesidades dos clientes, cunha ampla e variada gama de produtos para todas as idades e gustos, fixeron o resto ata e na actualidade segue a ser líder indiscutible do mercado con presencia en máis de 70 países e un cadro de persoal que supera os 4.000 empregados/as.

Pese a tantas datas relevantes e cifras tan notorias, en Axober queremos -co permiso da familia- engadir unha letra con maiúsculas que englobe e resuma a vida desta empresa con historia, que temos a honra de ter entre os nosos socios. Adiviñades cal? Aquí vos deixamos unha pista! Calidade, Confianza, Compromiso, Conserva, Consumidor, Carballo e, por suposto, Calvo, Claro! Parabéns!



CURSO REVIT NIVEL INICIAL


19-02-2018
Introdución ó BIM con REVIT ARCHITECTURE |CREACIÓN DE FAMILIAS | REVIT MEP
Este curso pretende familiarizar aos alumnos coas ferramentas e metodoloxías de traballo BIM, a través do uso do software líder no mercado: Autodesk Revit.
Para todos os técnicos e profesionais da construción, as ferramentas BIM son esenciais para a realización do deseño, coordinación, construción e/ou mantemento eficiente e produtivo. As metodoloxías de traballo BIM están baseadas nun fluxo de información de proxecto, máis que na mera documentación gráfica propia do CAD.

AXUDAS PARA A PROMOCIÓN DO EMPREGO AUTÓNOMO


26-01-2018
Consellería e Economía, Emprego e Industria
ORDE do 15 de decembro de 2017 pola que se establecen as bases reguladoras para a promoción e consolidación do emprego autónomo a través do Programa I, de axudas á promoción de emprego autónomo, cofinanciado parcialmente con cargo ao programa operativo FSE Galicia 2014-2020, e do Programa II, de axudas a persoas traballadoras autónomas pola contratación indefinida de persoas asalariadas, e se procede á súa convocatoria para o ano 2018.
- PROGRAMA I
Serán beneficiarias aquelas persoas que causen alta no réxime especial de autónomos
ou en calquera outro réxime especial por conta propia da Seguridade Social ou en mutualidade
de colexio profesional, entre o 1 de outubro de 2017 e o 30 de setembro de 2018,
ambos inclusive, como titulares ou cotitulares do negocio ou explotación.
- PROGRAMA II
Poderán ser beneficiarias das axudas previstas nesta orde as persoas traballadoras
autónomas ou as persoas profesionais pola primeira contratación que realicen con carácter
indefinido durante o seu primeiro ano de actividade e pola segunda e terceira contratación
que realicen con carácter indefinido nos tres primeiros anos de actividade.

EXTRACTO PROGRAMA I


EXTRACTO PROGRAMA II

BASES REGULADORAS

NOVA LEY DE AUTÓNOMOS


26-10-2017
Aprobación definitiva e publicación
Lei 6/2017, do 24 de octubre, de Reformas Urxentes do Traballo Autónomo, publicada no Boletín Oficial do Estado.

BOE

CONVENIO AXOBER - VALCARCE


03-03-2016
Descontos no combustible
Axober firma un convenio de colaboración co Grupo Valcarce, no que se contemplan importantes descontos no combustible para as empresas asociadas.
Para máis información pode contactar directamente coa Asociación.

CONVENIO DE COLABORACIÓN "LA CAIXA-AXOBER"


18-02-2015
Firma convenio

Axober firma un convenio de colaboración coa entidade financeira "La Caixa".
Este convenio ten por obxecto definir un marco de colaboración entre a entidade bancaria e as empresas asociadas a Axober, co fin de establecer relacións de tipo comercial e financeiro en condicións vantaxosas para as empresas pentences a Axober.




NOVO SERVIZO WEB PARA SOCIOS


29-11-2012
PRESENTACIÓN
Esta Asociación pon en marcha un novo servizo para asociados dentro da páxina Web.

Isto consiste na incorporación dun novo sistema de ofertas para socios/as co fin de acercar a súa actividade á rede. Cada empresa poderá remitir a Axober as súas ofertas para publicar na Web. Todas elas aparecerán na portada de xeito aleatorio, para non discriminar ningunha entrada e poderase acceder á listaxe de todas as ofertas das empresas da Asociación.

Do mesmo xeito, para facilitar a localización das empresas e que os usuarios poidan achegarse ao local a realizar as súas compras, incorporouse o mapa de xeolocalización de Google Maps na ficha de cada empresa.

Buscador de Empresas
ver Cristina Morgadever GRUPO CALVOver Varela Hostelería, S.L.ver Panadaría Roiserver Correduría e Xestión de Seguros Toñitover COMUNICARver Benettonver Sueiro Asesores, S.L.ver A de Pako Restaurante - Vinotecaver Oasis Restaurante Vinotecaver Afico, S.L.ver A Barra Barver Calzados Arijónver Confiro, S.L.ver Establecementos Marcialver Agropecuaria A Medoñaver Caremer Tecnoespecialistasver Restaurante El Hórreover Rodaben Carballo, S.L.ver Einstein Formaciónver Orchestraver Modas Alonsover Codiber S.L.ver Viveiros Amadover O Recreo Animaciónver Clínica Dental Bergantiñosver Talleres Antelover Sistemas Eléctricos GMG Hipaniaver DV Carballover Savelo S.L.ver Automóbiles Dimolk S.L.ver Corte Asiaver Formación Newtonver Estanco Varelaver A Nova Ferradoraver Amar Modaver Inmovendaver Café Bar Embajadorver Confeccións - Sastraría Miguelver Cervecería La Bomboneraver FN Energía - ENERGALver Moda Suarezver Proyekta & Concepto, S.L.ver Construcións J. Souto, S.L.ver De la Serna  y Calviño Avogados e Consultoresver Revestimientos Rama, S.L.ver Rega Morales, S.L.ver Autoescola Carcopaver Taberna O Mexillónver A Cervecería de Luísver José Cotelo Juncalver Calzados Susaver Cervecería Ágoraver Agetrans Bergantiños S.L.ver Manuel Loureiro Soutover Metalúrgica BB, S.L.ver Alea Asesoresver Mercería - Paquetería Pilar Mªver Distribucións Marcelino S.Lver Para ti Cosméticosver Viña Textilver Carpintaría M.J. Eirísver Disboa S.L.ver Contenedores Miramontesver Asesoría Borja G. Botasver Gende Estudiover Construcións e Reformas J.A. Amarellever Automóbiles  E. Fuentesver Bercom Impresión Dixitalver Cervecería A Taperíaver Fórmula Hit Radiover Panadaría O Varrendeirover Punto e Comaver SDI Alphanor, S.L.ver Motos Vitolover Centro Óptico Bergantiñosver Poppyver Alemcaver Panadaría  Forno Novover Hierros Varela Urbieta, S.L.ver Almacenes Agrover Balcotex, S.L.ver Son Pressver Bámbolaver Perfumería Garrotever Cafetería Bar Ginebraver Óptica Enríquezver Creativa Digitalver Mesón As Viandasver  Emiliano Modaver Carnizaría Danielver Calzados Mariñover O Barco dos Soñosver Lencería Antoxosver Servizos Agrícolas Pose, SLver GESTORIA QUEIJO, SLver Zocasver Alberto Castrover El Rincón de Maríaver Corporación Laber, Laboratorio y Consultoría, S.L.ver Talleres Tatover Farmacia Veterinariaver Gonzacar S.L.ver Trattoría - Pizzería Vesuviover Mundo Kid´sver Automóbiles Cancelaver Todo Larver PROHIGANver Taberna O Patacónver Automóbiles Vilas Ramaver Asesoría Cervantesver R. Pose Distribuciónsver Vicarlem, S.L.ver Atmósfera Sportver Clínica Dental Miguel Ángelver Imprenta Gervasiover DLUXE EXPRESSver Castro Parga, S.L.ver Distribucións M.Prietover Proinber Bergantiños, S.L.ver Moncho Antelo Instalaciones, S. L.ver Estación de Servizo Carvoltaver Andainas Centro de Ensinover Federópticos Nicolás, S.L.ver Xoiaría Calvelo Seoanever TForma Globalver Mesón A Cabañaver FORPONver Deportes San Remover -15ver Donclic Soluciones Tecnológicasver Abertal Networks S.L.ver Re 100 Galicia, S.L.ver A Fragua de Mover A Barbería de Beniver Perruquería Sole Martínezver Xarope, SLver LD Ideas de Interiorver Muebles Luísver Mármoles Gumersindo Rey, S.A.ver Xoiaría Seoanever Transportes Mariño e Hijos, S.L.ver Cafetería Abastosver Star Centerver Restaurante Mesón do Pulpover Informática Valemver Perruquería Samelver Moda Infantil Retoñosver Bebidas y Bodegas Carballo, S.L.ver Interfilm Carballover Inelca, S.L.ver Alquileres Reneymarver Imprenta Europaver MÍMATEver Proquiber S.L.ver Calvelo Plateria Regalover Refuxio As Garzasver Mentaver Herfraga S.A.ver Protel Sistemas de Seguridad, S.L.ver Cafetería Habanos 79ver Construcións y Promociones J. A. Villar, S.L.ver Perfumerías Avenida
AXOBER, Asociación de Xóvenes Empresarios de Bergantiños